IMQ BienStar

Ongi etorri IMQ BienStar saiora

Euskal Autonomia Erkidegoko eskaintzen plataforma digitala, osasun-arloko, arlo soziosanitarioko eta ongizateko profesional ezagunek eskainia

Zerbitzuak ezagutu

Nola funtzionatzen du?

Oso erraza. Erregistratu, bilatu interesatzen zaizun zerbitzua eta deskargatu deskontu-kupoia, aurkezteko eta deskontua lortzeko

Ezagutu funtzionamendua zehatz-mehatz

Erregistratu

IMQren bezero bazara, erregistratu eta eskuratu abantaila eta deskontu guztiak doan. Partikularra bazara, ezagutu plataforman sartzeko tarifak eta hasi deskontuez gozatzen. Zeren zain zaude?

Joan erregistrora

IMQ Bienstar Serbitzuak

Ongizate Zerbitzuak

Gozatu hobeto sentitzen eta zure bizitza pertsonala eta lanekoa uztartzen laguntzen dizuten zerbitzu guztiez: kirola, bidaiak, jatetxeak...

Maskotarentzako ezinbesteko guztiak hautatu ditugu atal honetan: familia kanpoan den artean egoteko hotelak, maskotaren osasunaz arduratzeko albaitari adituak, eta maskotaren itxura eta higienea zaintzeko lekuak. Bertan aurkituko dituzu, halaber, maskotarentzako elikadurarako eta zaintzarako behar duzun guztia erosteko dendak.

Ikusi gehiago ›

Maskotak
Atal honetan, edertasuna nabarmentzera zuzendutako jarduera-sorta zabala dago.
Orotariko atalak eskaintzen dira ildo horretan: ilea apaintzeko saioa, manikura on bat edo masaje bereziak erosteko edertasun-zentroa; gorputz-atalei ukitu bat edo ile-inplantea egiteko estetika-zentroa; edota betaurreko moderno graduatuak edo optikako ohiko lentillak erosteko lekua, besteak beste.
Lanbide-ibilbide egiaztatuagatik aukeratutako profesionalak ditugu laguntzaile, proposatzen duten jarduerarako behar diren baliabide guztiak dituztenak.

Ikusi gehiago ›

Edertasuna
84 urteko eskarmentua bildu duen talde indartsua osatzen du IMQk. Euskadin osasun pribatuaren alorreko konpainia liderra da, eta Estatuko handienetako bat.

IMQk eskaintza integrala du, eguneroko jardunari esker; izan ere, orotariko produktuak eskaintzen ditu, zentro eta klinika propio berriak irekitzen ditu etengabe, hiru lurralde historikoetan du presentzia, eta bikaintasunarekiko, profesionaltasunarekiko eta zerbitzuarekiko konpromiso tinkoa adierazten du. Bezeroek bizitza-zikloan behar litzaketen premia guztiei erantzuten die, irtenbide pertsonalizatuak, berritzaileak eta kalitatekoak eskainiz. Orobat, gure erkidegoan eta osasun-alorrean hobekien baloratutako konpainia da, bezeroen % 94k zerbitzuekiko gogobetetasun-maila altua adierazi baitu.

Gaur egun, Euskadiko 354.000 pertsonari eta 1.000 enpresari baino gehiagori eskaintzen die osasun-estaldura IMQk. Gainera, IMG Prevencionen bidez, osasun-alorreko zerbitzua ere eskaintzen die 4.900 enpresatik gorako 135.000 langileri.

IMQko bezeroek sendagile-talde zabala dute eskura: 1.752 profesional eta Euskadiko osasun-sare pribaturik handiena. Izan ere, 11 zentro propio eta espezialitate mediko-kirurgikoen aukera zabala eskaintzen ditu.

Estatuan, eta SegurCaixa Adeslas bazkide estrategikoarekin lotu duen aliantzari esker, IMQk laguntza-sare zabala eskain dezake: 43.000 profesional eta 1.150 zentro, tartean ospe handiko osasun-zentroak, hala nola Teknon zentro medikoa eta Ruber Internacional eta M.D. Anderson ospitaleak, besteak beste. Era berean, atzerrira joaten direnerako bidaia-laguntza ere badauka, eta abangoardiako nazioarteko kliniketara joateko aukerako estaldura ere eskaintzen du.

Ikusi gehiago ›

IMQ aseguruak
Badira laneko eta etxeko bizitzak bateragarri egiten laguntzeko bestelako jarduerak ere, hala nola seme-alabentzako haurtzaindegia; norbait etortzea etxera, konponketak edo lan txikiak (koadro bat eskegitzea, adibidez) egitera; produktu jakin bat erosteko denda espezializatua bilatzea; edota errekadua egiteko (autoa azterketa teknikora eramateko, adibidez) norbait bilatzea.
Atal honetan, beharrizan horiek eta beste batzuk asetzeko laguntzaileak bilatu ditugu.

Ikusi gehiago ›

Ongizateari lotutako beste zerbitzu batzuk
Hautatutako enpresak arduratuko dira estatuko eta nazioarteko edozein herritako beste helbide batera aldatzeaz, eta altzari-zaintzaile zerbitzua eskainiko dute altzariak aldi baterako babestu behar ditugun kasuetarako.

Ikusi gehiago ›

Mugitzen eta biltegiratzea
Enpresa eta autonomoen lana errazteko asmoa duten zerbitzu osagarriak eskaintzeko atala da hau. Zerbitzuoi esker, langile autonomoak eta enpresak ez dute lanari zuzenean lotuta ez dauden kontuez arduratu beharrik, hori osatzeko berme-zerbitzuak dituztelako eskura.

Ikusi gehiago ›

Autonomoentzako eta enpresentzako zerbitzu bereziak
Atal honetan sartu dira aisialdira bideratutako jarduerak: hotelak, jatetxeak, upategietarako bisitak, gourmet-dendak, auto gidaridunak eta abar.

Ikusi gehiago ›

Aisia

Soziosanitarioen zerbitzuak

Sar zaitez zure etxean bizitza errazagoa egingo dizuten zerbitzuetara, eta aurki ezazu une oro seguru eta lagunduta sentitzeko behar duzun guztia

Atal honetan, adinagatik, gaixotasun kronikoagatik, desgaitasunagatik edo beste edozein arrazoirengatik etxean bakarrik dagoen pertsonarentzako osasun-zerbitzuak aurkituko dituzu.
Helburua: pertsonak etxetik irten gabe osasuna hobetzen edo kontrolatzen lagunduko dioten osasun-zerbitzuak eskuratzea.

Ikusi gehiago ›

Osasun-zerbitzuak
Atal honetan, adinagatik, gaixotasunagatik, desgaitasunagatik edo beste edozein arrazoirengatik etxean bakarrik dagoen pertsonarentzako laguntza-zerbitzuak aukeratu ditugu.
Zerbitzuon bidez bizitza erraztu nahi diegu, etxera bertara eramanez premia biziko zerbitzuak.

Ikusi gehiago ›

Laguntza-zerbitzuak

Osasun-zerbitzuak

Enpresa eta/edo profesional nabarmenek eta ospe aitortuek emandako osasun-zerbitzuak. Espezializazioaren barruan, aurrerapen teknologiko abangoardistenak dituzte guztiek.

Beharrezkoa da, lehenengo eta behin, medikuntza fisikoaren eta errehabilitazioaren espezialitatea batetik, eta fisioterapia bestetik, bereiztea.
Ezintasunaren diagnostikoaz, ebaluazioaz, prebentzioaz eta tratamenduaz arduratzen den medikuntzako espezialitatea da medikuntza fisikoa eta errehabilitaziokoa, ahalik eta gaitasun funtzional eta independentzia-maila handiena mantentzea edo berreskuratzea helburu duena. Espezialitate hori eskuratzeko ezinbestekoa da medikuntzako lizentzia burutu eta ondoren BAME prestakuntza berezia egitea. Izan ere, horrela eskuratzen da patologia traumatologiko, erreumatologiko, neurologiko eta arnasketako batzuk diagnostikatzeko eta tratatzeko gaitasuna.
Sendagile errehabilitatzaileak erabakiko du fisioterapia-saioetan ezarriko den tratamendua.
Fisioterapiari dagokionez, honela defini daiteke: eskuzko edo tresna bidezko bitarteko fisikoak erabiliz, disfuntzio somatikoek, psikosomatikoek eta organikoek erasandako pertsonak sendatzeko, errehabilitatzeko eta egokitzeko egiten diren jarduera eta teknikoen artea edo zientzia.
Fisioterapia prebentziokoa izan daiteke, osasun-arazoak saihesteko helburua badu, edota sendatzekoa bestela.
Horretarako hainbat bide natural erabil ditzake (ura, argia edo elektrizitatea, adibidez), edota masajea eta ariketa. Fisioterapian espezializatutako osasun-profesionala da fisioterapeuta. Fisioterapiak teknika ugari biltzen ditu, hala nola eskuzkoak, masajearen bidez edo kinesioterapia bidez, gorputz-atalak mugitzeko indarra ezarriz, edota gorputz-jarrerak hobetzeko luzatzeak eta ariketak eginez. Bestelako agente fisikoak ere erabil ditzake, hala nola elektroterapia (korronte elektrikoak ezarriz), ultrasoinuak, termoterapia (beroa ezarriz), krioterapia (hotza ezarriz) nahiz hidroterapia (urpeko teknikak erabiliz). Era berean, gailu mekanikoak ere erabiltzen dituzte, presioa egiteko (presoterapia) eta, horrela, zirkulazioa hobetzeko.
Fototerapian argia erabiltzen dute, ultramorea batzuetan eta infragorria besteetan, larruazaleko tratamenduak egiteko.
Magnetoterapiak eremu elektromagnetikoak erabiltzen ditu, muskuluetako nahasmenduak sendatzeko.

Ikusi gehiago ›

Errehabilitazioa/Fisioterapia
Erizaintza osasun-zientzien ataletako bat da eta, ondorioz, unibertsitate-karrera bat.
Gaixoen zaintzaz eta arretaz, laguntza-lanez, osasuna sustatzeaz eta gaixotasunak prebenitzeaz arduratzen da. Erizaintzaren barruan sartzen dira, hain zuzen, hurrengo ataletan aipatzen diren jarduerak.

Ikusi gehiago ›

Erizaintza
Ikusmen-aparatuko gaixotasunak eta gabeziak diagnostikatzeaz eta tratatzeaz arduratzen den espezialitate mediko-kirurgikoa da oftalmologia.
Oso esparru zabala da, begiari erasaten dioten gaixotasunak ugariak direlako eta begia gaixotasun sistemiko askoren adierazpidea delako (adibidez, baskulitisarena, diabetesarena edo hipertentsioarena).
Ez dira nahasi behar oftalmologoa (okulista esan ohi zaion hori, oftalmologiako mediku espezialista) eta teknikari optikoak. Oftalmologoak begietako gaixotasunak diagnostikatu eta tratatzen ditu, begietako kirurgia egiten du eta ikusmen-arazoak zuzentzeko lentillak agindu eta doitzen ditu. Teknikari optikoek, berriz, betaurrekoak, lentillak, markoak eta ikusmena zuzentzeko bestelako gailuak diseinatu, egiaztatu eta muntatzen dituzte. Oftalmologoen aginduak (errezetak) gauzatzera mugatzen dira. Teknikari optikoek ezin dute begiko gaixotasunik diagnostikatu edo tratatu.
Honako hauek dira begiari erasaten dioten gaixotasunik ohikoenak:
· Glaukoma: begi-barruko presioa handitzeak eragindako endekapen-gaixotasuna da.
· Katarata edo begi-lausoa: begi barruan dagoen lente naturalak (kristalinoak) gardentasuna galtzen duenean sortzen da. Begiko kristalinoan sortzen den lauso horrek ikusmena galarazten du.
· Erretina-askatzea: begiaren geruza hori urratzen denean sortzen da erretina-askatzea. Euli modukoak hegan edo argi-distirak ikustea izan daiteke urraduraren ezaugarri adierazgarrietako bat.
· Begi lehorra: begi-globoak malkoen bidez hezetasun nahikorik lortzen ez duenean sortzen da begi lehorraren patologia.
· Akats errefraktiboak: besteak beste, miopia (hurbil dauden gauzak ondo ikusten dira baina urrunera lausotu egiten dira), hipermetropia (urrunekoak ondo ikusi arren, hurbil dauden gauzak lauso ageri dira), astigmatismoa (irakurtzean nekea sentitzen da eta hurbilekoa txarto ikusi), presbizia (40 urteren inguruan sortzen da; 40 cm ingurura dauden gauza txikiak argi ikusten zailtasuna. Akats horiek guztiak zuzentzeko, lenteak edo kirurgia erabil daitezke.
Aldian-aldian oftalmologoarengana joatea da gaixotasun horien kontra borrokatzeko modurik onena.

Ikusi gehiago ›

Oftalmologia
Osasun-alorreko online-denda.

Ikusi gehiago ›

Osasun-produktuen online-denda
Lehen arretako sendagilearen lanaldia amaitzen denean jartzen da abian larrialdietako medikuntza (etengabeko arretako medikuntza ere esaten zaio). Zerbitzua eskatu duen pazientearen etxera joaten da sendagilea eta beharrezko arreta eskaintzen dio.
Beharrezkotzat jotzen badu, ospitale publiko edo pribatu batera bideratuko du (pazienteak aukeratzen duenera), diagnostikoarekin edo tratamenduarekin jarraitzeko. Beste batzuetan, inora bideratzeko premiarik ez badago, zerbitzua eskatzera eraman duen arazoa konpontzeko behar dituen tratamendua eta gomendioak aginduko dizkio profesionalak pazienteari.

Ikusi gehiago ›

Larrialdietako medikuntza
Osasunaren Mundu Erakundearen (OMEren) arabera, gaur egun 1.200 milioi lagunek dute gainpisuari edo obesitateari lotutako arazoa; antzeko kopuruak, berriz, desnutrizio-arazoa du. Gaur egungo joerari eutsiz gero, 2040. urtean Europako biztanle guztiek izango dute gainpisuari lotutako arazoa. Espainian, Osasunaren Nazio Inkestak (ONI, 2013) dioenez, 2 eta 18 urte bitarteko espainiarren % 27,8k gainpisu- edo obesitate-arazoa du, bi sexuetan antzeko ehunekoan. Helduei dagokienez, 18 urteko edo gehiagoko biztanleen % 17k obesitateari lotutako arazoa du (gizonezkoen % 18k eta emakumezkoen % 16k).
Tabakismoaren ondoren, obesitatea da bigarren heriotza-arrazoi saihesgarria. Obesitate morbidoaren kasuan, 6-14 urtez laburtzen du bizi-itxaropena. Gorputzaren masa-indizearen arabera neurtuta, gorputzean gantz gehiegi edukitzea da obesoa izatea.
GMIa lortzeko, pertsonaren pisua (kilotan) altuerarekin (metrotan) zatitzen da, eta emaitzaren karratua egin. GMIa 30etik gorakoa bada, obesitatea agertzen da; 40tik gorakoa bada, obesitate morbidoa.
Obesitatea gaixotasun askorekin lotuta dago; zehazki, gaixotasunak agertzea errazten du, gaixotasuna agertu ondoren garatzen lagundu, eta pronostikoa txartzen du gainera. Gaixotasun horien artean daude kardiopatia iskemikoa, 2 motako diabetesa, hipertentsioa eta loaren apnea. Gainera, minbizi-mota batzuk izateko arriskua handitzen du. Obesitatearekin batera nahasmendu psikologikoak ere agertu ohi dira.
Obesitatea azaltzeko kausa medikoak badauden arren, kausa nagusiak beste batzuk izaten dira: jarduera fisikorik ez egitea, jatean ohitura txarrak izatea eta azukre askoko janari eta edariak kontsumitzea. Badira faktore genetikoak eta organikoak ere, batez ere emakumeei erasaten dietenak. Faktore sozioekonomikoak ere sartzen dira tartean.
Pisua jaisteko modurik eraginkorrena bizimodu aktiboa egitea eta elikadura osasungarria izatea dira. Batzuetan, farmako batzuk lagungarriak izan daitezke.
Halere, pertsonen ehuneko handi batek ez du emaitza egokirik lortzen behin eta berriro ahalegindu arren. Pertsona horiek bestelako teknika batzuk behar izaten dituzte, profesional espezializatuen eskutik.

Ikusi gehiago ›

Obesitatea: tratamendua
Aho-zuloko eta inguruko egituretako (haginetako, oietako, ezpainetako, mingaineko, ahosabaiko, listu-guruinetako, masailezurraren artikulazioko, aho-mukosako, muskuluetako, nerbioetako, odol-hodietako…) gaixotasunak aztertzeaz, prebenitzeaz, diagnostikatzeaz eta tratatzeaz arduratzen den medikuntza-adarra da odontologia edo estomatologia.
Legez, odontologiako edo estomatologiako unibertsitate-ikasketak burutu dituen pertsonari esaten zaio dentista. Gainera, estatuko odontologoen edo estomatologoen elkargo profesionalean inskribatuta egon behar du. Kontzeptuak argi uztearren, hagin-protesikoak, higienistak eta klinikako laguntzaileak dentistari laguntzen diote, baina EZ dira dentistak eta ezin dute halakotzat jardun.
Jarduneko dentistek Haginlarien Elkargoko kideak izan behar dute, eta ikasketak burutu dituztenak baizik ezin dira inskribatu.
Interesgarria da odontologian erabiltzen diren termino batzuen esanahia hobeto ezagutzea:
— Hortzak zuritzea: hortzetako esmaltea kaltetzen ez duen printzipio aktibo ez-inbaditzailea duen gela ezartzen da. Gero, argi hotzeko lanpara bat aplikatzen da, gelak dituen molekula zuritzaileak aktibatzeko eta, ondorioz, esmaltea argitzeko. Hortz zuriagoak lortzen dira horri esker.
— Enpastea edo hortzeko zuloa ixtea. Txantxarrak eragindako zuloa garbitzea eta, ondoren, kalitate handiko material batez betetzea.
— Fluorizazioa: hortzetan fluor topikoa ezartzen da, txantxarrak agertzea eragozteko.
— Garbiketa: ahoa garbitzea da; izan ere, hortzak eskuilatzen ditugunean badira iristen ez garen lekuak, edota txantxarraren kontra aritzeko nahikoa iristen ez garenak. hortzetako plaka, lertzoa eta orbainak garbitzeko erabiltzen da.
— Azterketa: ahoa aztertzea, txantxarrak bilatzeko eta gaixotasunak prebenitzeko.
—Hortz-zorroak: mindutako hortza estaltzen duen protesia da.
— Hortzeko karilla: konpositea ipintzea, hortzetako akats txikiak konpontzeko.
— Konpositea: erretxina konposatua ere esaten zaio. Txantxarrak eragindako zuloak estaltzeko edo hobekuntza estetikoak egiteko erabiltzen den materiala da.
—Hortz-inplantea: erro artifizialak dira, haginetan lotzeko bereziki diseinatzen direnak. Ondoren, «koroa» izeneko pieza ezartzen da erro artifizial horren gainean, hortz artifizial baten funtzioa bete dezan. Hala, galdutako hortzen ordez arituko diren hortz artifizialak ezartzeko eta eusteko oinarria dira hortz-inplanteak.
— Ortodontzia: hortz-gailu zuzentzaileen bidez hortzen kokapena zuzentzeko tratamendua da. Askotarikoa izan daiteke.
— Hortz-protesia: ordezko hortzak esaten diegun horiek. Eramaileak jarri eta kentzeko diseinatuta dago. Galdutako hortzen ordezkoa izateko erabiltzen da.

Ikusi gehiago ›

Odontologia
Etxeko ospitalizazioa ohiko ospitalizazioaren ordezko aukera da: pazienteak ospitalean jaso litzakeen tratamendu eta arreta berdinak jasoko ditu kalitatean nahiz kantitatean, baina bere etxean egonik.
Honako hauek ditugu onurarik garrantzitsuenetako batzuk:
— Pazientearen ongizatea, intimitatea eta erosotasuna handiagoak dira, beraren ohiko ingurunean dagoelako.
— Behar ez diren ospitalizazioak saihesten dira.
— Ospitaletan gertatzen diren infekzioen arriskua murrizten da.
— Senideek gaixoaren zaintzan eta bilakaeran parte hartzen dute.
— Zentro klinikoak optimizatu egiten dira, eskura dauden baliabideen erabilera hobetu egiten delako.
Etxeko ospitalizazioko unitatean sartzeko, zenbait baldintza bete behar dira:
— Aurretiaz ospitaleratuta egon izana, edota pazientea artatzen duen ohiko sendagilearen ustez, unitate horretan egoteko aukera izatea.
— Gaixotasunaren bilakaerak halako unitate batean tratatzeko aukera eskaintzea.
— Pazientea ados egotea.
— Unitate horren estaldura duen eremu batean bizitzea.
— Etxebizitza pazientearen eta gaixotasunaren beharrizanetara egokituta egotea.
— Familiak gaixoaren arretan parte hartzea.
Etxeko ospitalizazioa patologia jakin batzuetarako aproposa da. Adibidez:
— Patologia kronikoak (bihotzeko gutxiegitasuna, bronkopatia kronikoa…) dituzten pazienteentzat.
—Patologia akutuen (pneumonia baten, adibidez) jarraipena egiteko eta kortikoideen, antibiotikoen eta abarren bidezko tratamendua egiteko.
— Gaixotasun onkologikoetarako: sintomak kontrolatzeko, tratamenduen jarraipena egiteko, zaintza aringarriak eskaintzeko…
— Kirurgia osteko aldirako: ebakuntza jakin batzuk egin ondoko arreta jasotzeko (adibidez, ebakuntza osteko zaintzak eta zainketak egiteko, hala nola eskarak eta larruazaleko ultzerak tratatzeko).
— Aireztapen mekanikoa, zain barnetiko tratamenduak (zain barneko antibioterapia, nutrizio parenterala…) eta abar behar dituzten pazienteentzat.
— Prozedura teknikoak (hala nola transfusioak edo parazentesiak) behar dituzten patologietarako. Etxeko ospitalizazio-unitatean sartu ondoren, pazienteak osasun-laguntzailearen bisita jasoko du, behar duen arreta eskaintzeko. Langileak berak eramango du beharrezko material guztia, seruma izan nahiz zaintzetarako materiala izan.
Erizaintzako unibertsitate-diplomadunak, sendagileak edo biek agintzen dizkiete egin beharrekoak osasun-laguntzaileei.
Bisita horiez aparte, pazientea edonoiz jar daiteke harremanetan zerbitzuarekin, etxean ospitaleratuta dagoen bitartean arta dezaten egunean 24 orduan eta astean zazpi egunetan.

Ikusi gehiago ›

Etxeko ospitalizazioa
Orotariko gailuak erabiliz giza gorputzeko deformazioak zuzentzeko edo prebenitzeko erabiltzen den teknika da ortopedia. Gailu ortopedikoei ortesiak esaten zaie, eta ez dira protesiekin nahasi behar (edozein arrazoi dela eta falta den gorputz-atala artifizialki ordezteko piezak dira protesiak).
Trauma bat, gaixotasun bat edo orotariko patologiaren bat duten pertsonek jo behar izaten dute ortopedistarengana, salgai dauden produktuetakoren bat erostera. Horrela, osasun-arazoak konpondu edo, sikiera, murriztu egin ditzakete.
Atal honetan, eskarmentu handiko ortopedia ezagunak aurkituko dituzu, laguntza teknikoak (aulki gurpildunak, garabiak, eskaren aurkako lastairak…) eskatzen dituzten orotariko egoerak konpontzen laguntzeko, etxean bertan ere bai.

Ikusi gehiago ›

Ortopediak
Ikusmenari lotutako produktuetan espezializatutako denda.

Ikusi gehiago ›

Optikak
Endoskopia da aparatu digestiboko espezialitatean azken hamarkadetan izan den aurrerakuntzarik garrantzitsuena, lehenago susmatu baino egin ezin zena ikusteko aukera ematen duelako.
Endoskopiari esker, digestio-barrunbea ikusiz aztertzeko aukera dago, endoskopioa erabiliz.
Endoskopioa hauxe da: argitasun-sistema duen tutu bat, bideoari lotutako kamera baten bidez barneko bideak ikusteko aukera ematen duena. Ohiko endoskopiak diagnostikoa errazten du, barruan zer dagoen ikusi, biopsiak egin eta patologia gaiztoak eta onberak bereizteko aukera ematen duelako. Horretaz gain, polipoak erauzteko aukera ere ematen du eta, hartara, biharko lesio gaiztoa saihesten du. Prebentzio-helburu hori funtsezkoa da koloneko minbizian.
Endoskopia aurreratuari esker, bide biliarrean eta pankrean esku hartzeko aukera dago, eta tumoreen maila eta zabalera neur daiteke, endoskopia bidezko ekografien (ekoendoskopien) bidez. Gastroskopia eta kolonoskopia dira ohikoenak.
Kasu guztietan, beharrezkoa izanez gero biopsiak hartzen dira, mikroskopikoan aztertuz polipoak dauden ikusi eta erresekzioa egiteko. Gero eta endoskopia-teknika gehiago jorratzen dira, eta izen bereizi bat ematen zaie erabiltzen den tokiaren arabera: bronkoskopia (arnas-sisteman sartzen dena), ekoendoskopia digestiboa, ekoendoskopia bronkiala, hesteetako kapsula eta abar.
Profesional-taldeak erabakitzen du aurretiko zer prestatze-lan behar izango den kasu zehatz bakoitzean. Oro har, ahotik egiten diren endoskopietan pazienteak sei ordu eman behar ditu baraurik, ikuseremua oztopatuko duten janari-aztarnarik egon ez dadin.
Endoskopia uzkitik egiten denean, prestakin batzuk hartu behar dira aurretik, hesteak garbitu eta arrasto fekalik egon ez dadin. Interbentzio endoskopiko batzuetan, aurretiaz antibiotikoak eman eta ospitaleratu egin beharra egoten da.
Gainera, tratamendu antikoagulatzaile eta antiagregatzaile batzuk ere bertan behera utzi behar izaten dira, betiere sendagile arduradunaren zaintzapean. Izan ere, berak erabakiko du tratamendu horiek eten egin behar diren eta ordezko beste tratamendu batzuk ezarri behar diren.
Endoskopia sedazioaren edo anestesiaren eraginaren pean egiten da eta, beraz, ia ez du eragozpenik eragiten. Prozesu erosoa da gaixoarentzat.

Ikusi gehiago ›

Endoskopiak
Kirolak eta, oro har, jarduera fisikoak giza organismoan dituen ondorioak aztertzen dituen espezialitate medikua da kirol-medikuntza, gaixotasunak eta lesioak prebenitzeko eta tratatzeko.
Hartara, kirol-medikuntzako sendagile espezialista medikuntzako lizentziaduna da baina, horretaz gain, espezialitate-prestakuntza ere eskuratu du jarduera fisikoaren fisiologiari eta biomekanikari, psikologiari, nutrizioari, kardiologiari, podologiari, entrenamenduei eta abarrei buruzko ezagutzak eskuratzeko. Gaur egun, jardun fisikoa ezinbestekoa da gure osasunean, eta egunero egin beharra dago.
Frogatuta dago jarduera fisiko erregularra egiteak, sasoian mantentzen laguntzeaz gain, gaixotasunak prebenitu ere egiten dituela. Orobat, jarduera fisikoak onurak dakartza gaixotasun kardiobaskularretan, osteomuskularretan, metabolikoetan eta egoera fisiko orokorrean, gaixotasunak prebenitzen eta osasuna sustatzen laguntzen duen heinean. Halere, ez da komeni inolako jarduera fisikorik egitea, aurretik ariketa hori egiteko ahalmen fisikoa dugun jakin gabe. Ildo beretik, gure adinerako, pisurako eta gaitasun fisikorako gehien komeni zaizkigun jarduerak zein diren jakitea ere komeni zaigu.
Hain zuzen, kirol-mota, iraupena, maiztasuna, dieta eta abar zehazten lagunduko digu kirol-medikuntzak.
Laburbilduz: «kirola egin behar da, bai, baina seguru jokatuz»

Ikusi gehiago ›

Kirol-medikuntza
Euskadin zehar banatuta dauden laguntzaileen bidez —guztiak ere analisi klinikorik ezagunenetan adituak—, osasun-aseguratzaileen estalduran edo osasun-sistema nazionalean (Osakidetzan, besteak beste) sartuta egoten ez diren proba analitikoak egin daitezke.
Helburua ez da soilik ohiko azterketa analitikoan sartuta dauden analitika arruntak egitea eta bai, aldiz, bestelako proba bereziago batzuk egitea; adibidez, elikagaiekiko jasanezintasunari lotutako analitikak edota, besterik gabe, haurtxoaren sexua ezagutzekoa.
Nahikoa da odol pixka bat ateratzea, normalean goizez.

Ikusi gehiago ›

Analisi kliniko bereziak
84 urteko eskarmentua bildu duen talde indartsua osatzen du IMQk. Euskadin osasun pribatuaren alorreko konpainia liderra da, eta Estatuko handienetako bat.

IMQk eskaintza integrala du, eguneroko jardunari esker; izan ere, orotariko produktuak eskaintzen ditu, zentro eta klinika propio berriak irekitzen ditu etengabe, hiru lurralde historikoetan du presentzia, eta bikaintasunarekiko, profesionaltasunarekiko eta zerbitzuarekiko konpromiso tinkoa adierazten du. Bezeroek bizitza-zikloan behar litzaketen premia guztiei erantzuten die, irtenbide pertsonalizatuak, berritzaileak eta kalitatekoak eskainiz. Orobat, gure erkidegoan eta osasun-alorrean hobekien baloratutako konpainia da, bezeroen % 94k zerbitzuekiko gogobetetasun-maila altua adierazi baitu.

Gaur egun, Euskadiko 354.000 pertsonari eta 1.000 enpresari baino gehiagori eskaintzen die osasun-estaldura IMQk. Gainera, IMG Prevencionen bidez, osasun-alorreko zerbitzua ere eskaintzen die 4.900 enpresatik gorako 135.000 langileri.

IMQko bezeroek sendagile-talde zabala dute eskura: 1.752 profesional eta Euskadiko osasun-sare pribaturik handiena. Izan ere, 11 zentro propio eta espezialitate mediko-kirurgikoen aukera zabala eskaintzen ditu.

Estatuan, eta SegurCaixa Adeslas bazkide estrategikoarekin lotu duen aliantzari esker, IMQk laguntza-sare zabala eskain dezake: 43.000 profesional eta 1.150 zentro, tartean ospe handiko osasun-zentroak, hala nola Teknon zentro medikoa eta Ruber Internacional eta M.D. Anderson ospitaleak, besteak beste. Era berean, atzerrira joaten direnerako bidaia-laguntza ere badauka, eta abangoardiako nazioarteko kliniketara joateko aukerako estaldura ere eskaintzen du.

Ikusi gehiago ›

IMQ osasun-aseguruak
Zerbitzua hitzartzen duten enpresetan laneko istripu-tasa murriztea da inorentzako prebentzio-zerbitzuaren helburu nagusia. Hala, enpresariak bere zerbitzura dauden langileen osasuna eta segurtasuna bermatzeko legezko betebeharra beteko duela zaintzen da. Arriskuaren ebaluazioa da lan-arriskuen prebentzioko teknikari adituen funtsezko tresna.
Ebaluazio horretan, lehenengo eta behin, lanpostu baten baldintzak aztertzen ditu teknikariak. Bigarrenik, langileak jasan litzakeen arriskuak identifikatu behar dira. Horrela, arrisku horiek desagerrarazteko edo murrizteko prebentzio-neurriak proposatuko ditu teknikariak.
Beste alde batetik, eta era koordinatuan, antzemandako arriskuari egokitutako probak egingo ditu lan-medikuntzako sendagile espezialistak, langileak egiten duen lanari lotutako gaitasuna neurtzeko eta, hortaz, lanaren ondoriozko gaixotasunak prebenitzeko.

Ikusi gehiago ›

Osasunaren zaintza: laneko arriskuen prebentzioa
Agente fisikoen bidez (X izpien, ultrasoinuen edo eremu magnetikoen bidez, besteak beste) gorputz barruko irudiak sortzeaz eta irudi horien bidez gaixotasunak diagnostikatzeaz (eta, hein txikiagoan, pronostikoa egiteaz eta tratatzeaz) arduratzen den espezialitate medikoa da erradiologia. Irudi bidez diagnostikatzeko erradiologia-modalitate asko daude. Hauek dira, dena dela, ohikoenak:
—Erradiografia soila, erradiazio ionizatzaileak erabiltzen dituena
—Tomografia konputarizatua (TAC), hori ere erradiazio ionizatzaileen bidez
—Erresonantzia magnetikoa, eremu elektromagnetikoak erabiltzen dituena
—Ekografiak, soinu-frekuentzia altuko uhinak (ultrasoinuak) erabiltzen dituena

Ikusi gehiago ›

Erradiologia: irudi bidezko diagnostikoa
Gaixotasun bat garaiz antzematea funtsezko kontua da gaixotasunak gero izango duen bilakaeran.
Horretarako zehaztu dira, hain zuzen, mediku-azterketa horiek: lehenengo eta behin, patologiaren bat antzematen den ikusteko proba batzuk egiten dira eta, beharrezkotzat joz gero, beste mediku-azterketa batzuk egiten dira gero, hasierakoak osatzeko.
Balorazio kliniko osoa, bizkorra eta pertsonalizatua egiten da, osasun-egoera jakiteaz harago, txosten osatuan jasotako osasun-gomendioak ezagutzeko ere bai.
Hitzordua jaso ondoren, orotariko espezialitate eta diagnostiko-zerbitzuen artean ondo koordinatutako zirkuitu batean sartuko gara eta, ordu gutxiren buruan, zentrotik irten gabe, osasun-diagnostiko osoa eskuratuko dugu, egin beharreko proba mediko guztiak eginda.

Ikusi gehiago ›

Mediku-azterketak
Oinetako gaixotasunak eta nahasmenduak aztertzen dituen osasun-zientzia da podologia.

Podologoak unibertsitate-ikasketak egin ditu eta, prozedura terapeutiko podologikoak erabiliz, oinetako gaitzak eta deformazioak prebenitzeko, diagnostikatzeko eta tratatzeko ezagutza, trebezia eta gaitasuna du.

Ez dira nahasi behar podologoa (oinetako gaixotasunak tratatu eta sendatzen dituen osasun-profesionala) eta pedikura egiten duten pertsonak. Azken horiek tratamendu estetikoak baino ez dituzte egiten; adibidez, behatzetako azazkalak limatzea eta edertasun-produktuak (esmaltea, krema hidratatzailea…) ematea.

Podologian egiten dituzten proben edo tratamenduen esanahia hobeto ezagutzeko, horietako batzuk aipatuko ditugu:

— Kiropodia: oinetako azazkaletan maskurrak eta alterazioak kentzea, eragozpenak saihestu eta prebenitzeko. Gainera, larruazaleko gaixotasunik (onddoak edo papilomak, besteak beste) ote dagoen ere aztertzen da. Kiropodian sartzen dira behatzetako azazkalak moztu eta fresatzea, hiperkeratosia kentzea, maskurrak kentzea, orpoak fresatzea eta masaje erlaxatzaile baten bidez hidratatzea.

— Hiperkeratosia: presioaren edo igurtziaren bidez sortu ohi den eremu bateko zelulen hazkundeak eragindako larruazalaren loditasuna da.
— Helomak: maskurrak esaten zaien horiek. Bigunak izan daitezke, berriak badira, edota gogorrak. Presioaren edo igurtziaren bidez sortzen dira.
— Papilomak: giza papilomaren birusak sortutako oinetako garatxoak.
— Ortesiak: mugimendu edo posizio txarrak zuzentzeko kanpoko gailuak.

Urtean behin, behintzat, podologoarengana joan beharko genuke!!

Ikusi gehiago ›

Podologia

Acceder a IMQ BienStar

Si eres cliente de IMQ regístrate y accede a todas las ventajas y descuentos de forma gratuita. Si eres un particular conoce las tarifas para acceder a la plataforma y empieza a disfrutar de los descuentos ya mismo.

Inicio de sesión / Registro ›

NOLA FUNTZIONATZEN DU?

Erregistratu

Sartu eta erregistratu. Nabigatu ahal izango duzu eta zuretzat prestatu ditugun eskaintza handiak erakutsiko dizkizugu.

Zure kontua

5 € -tik aurrera ordainduta, zure kontua sortu eta honako zerbitzu hauek izango dituzu eskura: osasun-zerbitzu bereziak; bakarrik bizi bazara edo elbarria bazara zure etxean bizitzeko nahitaezko duzun guztia; eta ongizateari lotutako jarduera asko, bizitza erraztuko dizutenak, eskurik onenetan egotearen bermearekin. Zenbateko horren truke, behar adina bonu deskargatu ahal izango dituzu hilabete batez.

Zure abantailak

Zerbitzuak edo produktuak eskuratu ahal izango dituzu, oso erraz eta deskontu handiekin. Horretarako, sartu eta deskargatu bonua, bai inprimatuta, bai zure mugikorrera; hori eskuetan duzula, aukeratzen duzun zerbitzu-emailearengana joan eta hitzartutako deskontua egingo dizu.

NOLA FUNTZIONATZEN DU?

Erregistratu

Sartu eta identifikatu. Nabigatu ahal izango duzu eta zuretzat prestatu ditugun eskaintza handiak erakutsiko dizkizugu.

Zure kontua

Zure kontua sortu eta honako zerbitzu hauek izango dituzu eskura guztiz DOAN, enpresako kide izateagatik: osasun-zerbitzu bereziak; bakarrik bizi bazara edo elbarria bazara zure etxean bizitzeko nahitaezko duzun guztia; eta ongizateari lotutako jarduera asko, bizitza erraztuko dizutenak, eskurik onenetan egotearen bermearekin.

Zure abantailak

Zerbitzuak edo produktuak eskuratu ahal izango dituzu, oso erraz eta deskontu handiekin. Horretarako, sartu eta deskargatu bonua, bai inprimatuta, bai zure mugikorrera; hori eskuetan duzula, aukeratzen duzun zerbitzu-emailearengana joan eta hitzartutako deskontua egingo dizu.

NOLA FUNTZIONATZEN DU?

Identifikatu

Jarri zure datuak eta, IMQ Taldearen bezeroa zarenez, identifikatu egingo zaitugu eta nabigatu ahal izango duzu. Horrela, zuretzat prestatuko ditugun eskaintza handiak erakutsiko dizkizugu.

Zure kontua

Zeure kontua sortu eta honako zerbitzu hauek izango dituzu eskura: estalduran ez dauden osasun-zerbitzu bereziak; bakarrik bizi bazara edo elbarria bazara zure etxean bizitzeko nahitaezko duzun guztia; eta ongizateari lotutako jarduera asko, bizitza erraztuko dizutenak, eskurik onenetan egotearen bermearekin.

Zure abantailak

IMQ Taldearen bezeroa zarenez, abantaila gehiago izango dituzu eta zerbitzuak edo produktuak eskuratu ahal izango dituzu, oso erraz eta deskontu handiekin. Horretarako, sartu eta deskargatu bonoa, bai inprimatuta, bai zure mugikorrera; hori eskuetan duzula, aukeratzen duzun zerbitzu-emailearengana joan eta hitzartutako deskontua egingo dizu.

NOLA FUNTZIONATZEN DU?

Identifikatu

Jarri zure datuak eta, laneko arriskuen prebentzioaren alorreko gure enpresetako baten bezeroa zarenez, identifikatu egingo zaitugu eta nabigatu ahal izango duzu. Horrela, zuretzat prestatuko ditugun eskaintza handiak erakutsiko di

Zure kontua

Zeure kontua sortu eta honako zerbitzu hauek izango dituzu eskura: estalduran ez dauden osasun-zerbitzu bereziak; bakarrik bizi bazara edo elbarria bazara zure etxean bizitzeko nahitaezko duzun guztia; eta ongizateari lotutako jarduera asko, bizitza erraztuko dizutenak, eskurik onenetan egotearen bermearekin.

Zure abantailak

Laneko arriskuen prebentzioaren alorreko gure enpresetako baten bezeroa zarenez, abantaila gehiago izango dituzu era zerbitzuak edo produktuak eskuratu ahal izango dituzu, oso erraz eta deskontu handiekin. Horretarako, sartu eta deskargatu bonoa, bai inprimatuta, bai zure mugikorrera; hori eskuetan duzula, aukeratzen duzun zerbitzu-emailearengana joan eta hitzartutako deskontua egingo dizu.

NOLA FUNTZIONATZEN DU?

Plataformaren funtzionamendua oso erraza da:

1. urratsa.

Erregistratzen zara kontu bat sortzeko eta saioa hasteko. IMQren bezero bazara, erregistratu eta doan sartu. Partikularra bazara, aukeratu zure harpidetza eskaintzak eta deskontuak eskuratu ahal izateko.

2. urratsa.

Aukeratu zure kokalekua zerbitzuak zugandik gertu aurkitzeko.

3. urratsa.

Bisitatu zure intereseko zerbitzuak eta informatu edukiaz.

4. urratsa.

Alderatu gure enpresa laguntzaileen/zerbitzu-emaileen eskaintzak.

5. urratsa.

Sartu laguntzaile horren webgunean, haren eskaintzaren baldintzak eta deskontuak ikusteko.

6. urratsa.

Deskargatu zure gogoko produktuaren edo zerbitzuaren bonua; inprimatu, deskargatu zure telefono mugikorrean edo, nahiago baduzu, zure helbide elektronikora bidaliko dizugu.

7. urratsa.

Zoaz aukeratutako lekura eta erakutsi bonua, eskaintza indarrean dagoen bitartean.

NOR GARA?

Gure plataformak aukera ematen du, klik bakar batez eta bertatik irten gabe, osasun-zerbitzuak, zerbitzu soziosanitarioak eta ongizate-zerbitzuak eskuratzeko. Lehena da aukera hori eskaintzen, gainera. Horrela, erantzuna ematen diegu erabiltzaileak berarentzat edo bere familiarentzat dituen behar guztiei.

Gure plataformak informazio handia du zerbitzuaren edukiari buruz, une oro jakin dezazun zer eskaintzen duen.

Bertan, hiru arlo horietako askotariko laguntzaileak daude, eta hainbat zerbitzu eta/edo produktu eskaintzen dituzte gure bizitza errazteko.

Gure laguntzaile guztiak aurrez aukeratu ditugu eta ospe handia dute beren jardueraren eremuan, duten kalitatea, enpatia eta konpromisoa direla eta. Hain zuzen, balio horiek hartu ditugu kontuan plataforma honetan alta emateko, eta, horrela, gure bezeroak erabat asebetetzeko.

Plataforma honen bidez lortu nahi den helburua oso erraza da: bezeroei ohiko kontsumoko zerbitzuak eta/edo produktuak eskaintzea, deskontu berezi batekin edo opari baliokide batekin, bezeroaren bizilekutik hurbilen dagoen hirian.

Haren izenak adierazten duenez, IMQrako ad hoc plataforma digitala da, jakina. IMQ enpresa-talde indartsua da, 85 urte baino gehiagoko esperientzia duena. Euskadiko osasun pribatuaren sektoreko liderra eta Estatuko garrantzitsuenetako bat da. Taldeak bi dibisio handi ditu: IMQ Aseguruak, osasun-aseguruak eskaintzen dituena, eta IMQ Zerbitzuak, osasun-zerbitzuak, zerbitzu soziosanitarioak, ongizatearen arlokoak eta laneko arriskuen prebentziokoak ematen dituena. Taldeak partaidetzako ia 60 enpresa ditu bere jarduera betetzeko.

Gure plataformak bezeroentzako arreta-zerbitzu bat du, zure zalantza guztiak argitzeko: 900 373 537

GAZTE KANALA

Gehiago jakin nahi duzu gai interesgarri batzuei buruz?

Joan webgunera ›

Osasun Kanala

Osasun Kanalak IMQko profesional medikoek abalatutako informazioa eskaintzen du osasunari buruz

Joan webgunera ›

EMAKUME KANALA

Emakumea zara?
Kanal hau zuretzat da

Joan webgunera ›

OSASUNA ETA ONGIZATEA

Ondo sentitzeko behar duzun guztia

IMQ BienStar

Zure egunerokoan laguntzeko irtenbideak

ONGIZATEZ BETE NAHI DUZU?

Orain oso erraza da

Ongi etorri IMQ BienStar saiora

Nola funtzionatzen du?

Erregistratu

IMQ Bienstar Serbitzuak

NOLA FUNTZIONATZEN DU?

Erregistratu

Zure kontua

Zure abantailak

NOLA FUNTZIONATZEN DU?

Erregistratu

Zure kontua

Zure abantailak

NOLA FUNTZIONATZEN DU?

Identifikatu

Zure kontua

Zure abantailak

NOLA FUNTZIONATZEN DU?

Identifikatu

Zure kontua

Zure abantailak

NOLA FUNTZIONATZEN DU?

1. urratsa.

2. urratsa.

3. urratsa.

4. urratsa.

5. urratsa.

6. urratsa.

7. urratsa.

NOR GARA?